EVERETT – ਵਾਸ਼ਿੰਗਟਨ ਦੇ 32ਵੇਂ ਵਿਧਾਨ ਸਭਾ ਜ਼ਿਲ੍ਹੇ ਦੀਆਂ ਪ੍ਰਾਇਮਰੀ ਚੋਣਾਂ ਵਿੱਚ ਸ਼ੁਰੂਆਤੀ ਨਤੀਜਿਆਂ ਅਨੁਸਾਰ ਹਾਊਸ ਸੀਟ ਲਈ ਡੈਮੋਕ੍ਰੈਟ ਉਮੀਦਵਾਰ ਕੀਥ ਸਕੱਲੀ ਅਤੇ ਡੈਨਿਕਾ ਨੋਬਲ ਅੱਗੇ ਚੱਲ ਰਹੇ ਹਨ। ਸਕੱਲੀ ਨੂੰ ਲਗਭਗ 24.8% ਅਤੇ ਨੋਬਲ ਨੂੰ 22.8% ਵੋਟਾਂ ਮਿਲੀਆਂ, ਜਦਕਿ ਰਿਪਬਲਿਕਨ ਲੀਸਾ ਰੇਜ਼ੈਕ ਤੀਜੇ ਸਥਾਨ ‘ਤੇ ਰਹੀ।
ਦੂਜੇ ਪਾਸੇ, ਸਟੇਟ ਸੇਨੇਟ ਦੀ ਦੌੜ ਵਿੱਚ ਮੌਜੂਦਾ ਹਾਊਸ ਮੈਂਬਰ ਸਿੰਡੀ ਰਿਊ 40.9% ਵੋਟਾਂ ਨਾਲ ਪਹਿਲੇ ਅਤੇ ਮੌਜੂਦਾ ਸੇਨੇਟਰ ਜੈਸੀ ਸੈਲੋਮਨ 38.7% ਵੋਟਾਂ ਨਾਲ ਦੂਜੇ ਨੰਬਰ ‘ਤੇ ਹਨ। ਰਿਪਬਲਿਕਨ ਉਮੀਦਵਾਰ ਆਇਰਾ ਮੈਕਬੀ ਤੀਜੇ ਸਥਾਨ ‘ਤੇ ਰਹੇ।
ਹੁਣ ਵੀ ਡਾਕ ਰਾਹੀਂ ਆਈਆਂ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਅੰਤਿਮ ਨਤੀਜੇ 21 ਅਗਸਤ ਤੱਕ ਪ੍ਰਮਾਣਿਤ ਕੀਤੇ ਜਾਣਗੇ ਅਤੇ ਸਿਖਰਲੇ ਦੋ ਉਮੀਦਵਾਰ 3 ਨਵੰਬਰ ਨੂੰ ਹੋਣ ਵਾਲੀਆਂ ਆਮ ਚੋਣਾਂ ਵਿੱਚ ਆਹਮਣੇ ਸਾਹਮਣੇ ਹੋਣਗੇ।