🇺🇸🇮🇷 ਅਮਰੀਕਾ-ਈਰਾਨ ਵਿਚਾਲੇ ਨਿਊਯਾਰਕ ’ਚ ਅਚਾਨਕ ਗੱਲਬਾਤ, ਜੰਗ ਖ਼ਤਮ ਕਰਨ ਲਈ ਕੂਟਨੀਤਕ ਕੋਸ਼ਿਸ਼ ਤੇਜ਼ !

ਨਿਊਯਾਰਕ – ਸੰਯੁਕਤ ਰਾਸ਼ਟਰ ਮਹਾਸਭਾ ਦੌਰਾਨ ਅਮਰੀਕਾ ਅਤੇ ਈਰਾਨ ਦੇ ਅਧਿਕਾਰੀਆਂ ਵਿਚਾਲੇ ਮੰਗਲਵਾਰ ਨੂੰ ਕਰੀਬ ਤਿੰਨ ਘੰਟੇ ਦੀ ਗੱਲਬਾਤ ਹੋਈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਮੁਲਾਕਾਤ ਨੂੰ “ਬਹੁਤ ਚੰਗੀ” ਦੱਸਿਆ। ਗੱਲਬਾਤ ਵਿੱਚ ਅਮਰੀਕੀ ਵਿਸ਼ੇਸ਼ ਦੂਤ ਸਟੀਵ ਵਿਟਕੌਫ ਅਤੇ ਜੇਰੇਡ ਕੁਸ਼ਨਰ ਸ਼ਾਮਲ ਸਨ, ਜਦਕਿ ਈਰਾਨੀ ਪੱਖ ਨਾਲ ਕਤਰ ਨੇ ਵਿਚੋਲਗੀ ਕੀਤੀ।
ਇਹ ਸੰਪਰਕ ਟਰੰਪ ਵੱਲੋਂ ਸੰਯੁਕਤ ਰਾਸ਼ਟਰ ਵਿੱਚ ਦਿੱਤੇ ਭਾਸ਼ਣ ਤੋਂ ਕੁਝ ਘੰਟਿਆਂ ਬਾਅਦ ਹੋਇਆ, ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਸੀ ਕਿ ਸਮਝੌਤਾ ਨਾ ਹੋਣ ਦੀ ਸਥਿਤੀ ਵਿੱਚ ਈਰਾਨ ਖ਼ਿਲਾਫ਼ ਸਖ਼ਤ ਫੌਜੀ ਕਾਰਵਾਈ ਹੋ ਸਕਦੀ ਹੈ। ਟਰੰਪ ਨੇ ਕਿਹਾ ਕਿ ਦੋਵਾਂ ਧਿਰਾਂ ਵਿਚਾਲੇ ਅਗਲੀ ਮੀਟਿੰਗ ਵੀ ਜਲਦ ਹੋ ਸਕਦੀ ਹੈ।

 ਈਰਾਨ ਨੇ ਰੱਖੀਆਂ ਕਈ ਸ਼ਰਤਾਂ
ਈਰਾਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਇਸਮਾਈਲ ਬਘਾਈ ਮੁਤਾਬਕ, ਤਹਿਰਾਨ ਨੇ ਅਗਲੀ ਗੱਲਬਾਤ ਲਈ ਕੁਝ ਸ਼ਰਤਾਂ ਰੱਖੀਆਂ ਹਨ। ਇਨ੍ਹਾਂ ਵਿੱਚ ਜੰਗ ਨੂੰ ਸਾਰੇ ਮੋਰਚਿਆਂ ’ਤੇ ਖ਼ਤਮ ਕਰਨਾ, ਅਮਰੀਕੀ ਫੌਜੀ ਕਾਰਵਾਈ ਰੋਕਣਾ, ਸਮੁੰਦਰੀ ਨਾਕਾਬੰਦੀ ਖ਼ਤਮ ਕਰਨਾ ਅਤੇ ਈਰਾਨ ਦੀਆਂ ਜ਼ਬਤ ਕੀਤੀਆਂ ਜਾਇਦਾਦਾਂ/ਸੰਪਤੀਆਂ ਨੂੰ ਜਾਰੀ ਕਰਨਾ ਸ਼ਾਮਲ ਹਨ।
ਸਟ੍ਰੇਟ ਆਫ਼ ਹੋਰਮੂਜ਼ ਵੀ ਗੱਲਬਾਤ ਦਾ ਇੱਕ ਅਹਿਮ ਮੁੱਦਾ ਬਣਿਆ ਹੋਇਆ ਹੈ। ਈਰਾਨੀ ਪੱਖ ਨਾਲ ਜੁੜੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਅਮਰੀਕਾ ਵੱਲੋਂ ਦਬਾਅ ਘਟਾਉਣ ਦੇ ਕਦਮ ਚੁੱਕੇ ਜਾਣ ’ਤੇ ਹੁਰਮੁਜ਼ ਰਾਹੀਂ ਆਵਾਜਾਈ ਮੁੜ ਖੋਲ੍ਹਣ ਬਾਰੇ ਵਿਚਾਰ ਹੋ ਸਕਦਾ ਹੈ।
#saddatvusa#america#iran#meeting#newyork