ਵਾਸ਼ਿੰਗਟਨ : FBI ਵੱਲੋਂ ਬੁੱਧਵਾਰ ਨੂੰ ਜਾਰੀ ਅੰਕੜਿਆਂ ਅਨੂੰਸਾਰ ਅਮਰੀਕਾ ਵਿੱਚ ਯਹੂਦੀਆਂ ਅਤੇ ਮੁਸਲਮਾਨਾਂ ਤੋਂ ਬਾਅਦ ਧਾਰਮਿਕ ਤੌਰ ਤੇ ਨਫ਼ਰਤੀ ਅਪਰਾਧ ਦੇ ਤਹਿਤ ਸਿੱਖ ਤੀਜਾ ਸਭ ਤੋਂ ਵੱਡਾ ਨਿਸ਼ਾਨਾ ਬਣਾਇਆ ਗਿਆ ਸਮੂਹ ਬਣਿਆ ਹੋਇਆ ਹੈ। FBI ਨੇ 5 ਅਗਸਤ ਨੂੰ 2024 ਲਈ ਨਫ਼ਰਤੀ ਅਪਰਾਧਾਂ ਦੇ ਆਂਕੜਿਆਂ ਦੀ ਆਪਣੀ ਸਲਾਨਾ ਰਿਪੋਰਟ ਜਾਰੀ ਕੀਤੀ ਜਿਸ ਵਿੱਚ ਘਟਨਾਵਾਂ ਦੀ ਗਿਣਤੀ ਵਿੱਚ ਲਗਭਗ 2% ਦੀ ਗਿਰਾਵਟ ਦਰਜ ਕੀਤੀ ਗਈ ! ਸਿੱਖਾਂ ਪ੍ਰਤੀ ਧਾਰਮਿਕ ਤੌਰ ਉੱਤੇ ਨਫ਼ਰਤੀ ਅਪਰਾਧ ਦੇ 142 ਮਾਮਲੇ ਸਾਹਮਣੇ ਆਏ ਹਨ। ਜੋ 2023 ਵਿੱਚ 150 ਅਤੇ 2022 ਵਿੱਚ 198 ਸਨ। ਇਸ ਸਾਲ 25 ਹਿੰਦੂ ਵਿਰੋਧੀ ਅਪਰਾਧ ਵੀ ਦਰਜ ਕੀਤੇ ਗਏ ਜੋ ਪਿਛਲੇ ਸਾਲ 32 ਸਨ ! ਉਸੇ ਸਾਲ ਯਹੂਦੀਆਂ ਵਿਰੁੱਧ 1938 ਅਪਰਾਧ ਦਰਜ ਕੀਤੇ ਗਏ ਜੋ 2023 ਵਿੱਚ 1989 ਸਨ ! ਇਸੇ ਤਰਾਂ 228 ਇਸਲਾਮ ਵਿਰੋਧੀ ਅਪਰਾਧ ਹੋਏ ਜੋ 2023 ਵਿੱਚ 281 ਸਨ ! FBI ਨੇ 2015 ਵਿੱਚ ਧਾਰਮਿਕ ਤੌਰ ਉੱਤੇ ਨਫ਼ਰਤੀ ਅਪਰਾਧਾਂ ਦੀਆਂ ਹੋਰ ਸ਼੍ਰੇਣੀਆਂ ਬਾਰੇ ਵੀ ਅੰਕੜੇ ਇਕੱਠੇ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ! ਸਿੱਖ ਕੋਲੀਸ਼ਨ ਦਾ ਕਹਿਣਾ ਹੈ ਕਿ ਅਮਰੀਕਾ ਵਿੱਚ ਨਫ਼ਰਤ ਇੱਕ ਜਰੂਰੀ ਨੀਤੀਗਤ ਤਰਜੀਹ ਬਣੀ ਹੋਈ ਹੈ ਅਤੇ ਸਿੱਖਾਂ ਨੂੰ ਅਜੇ ਵੀ ਇਸ ਤੋਂ ਬਹੁਤ ਜਿਆਦਾ ਖਤਰਾ ਹੈ। ਅੰਕੜੇ ਸੰਘੀ ਸਰਕਾਰ ਵੱਲੋਂ ਮਜ਼ਬੂਤ ਪਹਿਲਕਦਮੀਆਂ ਦੀ ਸ਼ੁਰੂਆਤ ਨੂੰ ਦਰਸਾਉਂਦੇ ਹਨ। ਇਸ ਵਿੱਚ ਦਲੀਲ ਦਿੱਤੀ ਗਈ ਹੈ ਕਿ FBI ਦੇ ਨਫ਼ਰਤੀ ਅਪਰਾਧ ਦੇ ਅੰਕੜੇ ਉਦੋਂ ਤੱਕ ਅਧੂਰੇ ਰਹਿੰਦੇ ਹਨ ਜਦੋਂ ਤੱਕ ਨਫ਼ਰਤੀ ਅਪਰਾਧ ਦੀ ਰਿਪੋਰਟਿੰਗ ਨੂੰ ਲਾਜ਼ਮੀ ਨਹੀਂ ਕੀਤਾ ਜਾਂਦਾ ਅਤੇ ਦੇਸ਼ ਭਰ ਵਿੱਚ ਗੰਭੀਰ ਦੇਖਭਾਲ ਅਤੇ ਮਿਆਰੀ ਪ੍ਰਕਿਰਿਆਵਾਂ ਨਾਲ ਨਹੀਂ ਕੀਤਾ ਜਾਂਦਾ !
#saddatvusa#american#Sikhs#NewsUpdate#usanews#Washington#SikhsinAmerica