ਵਾਸ਼ਿੰਗਟਨ – ਅਮਰੀਕੀ ਡਾਕ ਸੇਵਾ USPS ਨੇ ਦਿਵਾਲੀ ਦੇ ਤਿਉਹਾਰ ‘ਤੇ ਇੱਕ ਡਾਕ ਟਿਕਟ ਜਾਰੀ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਡਾਕ ਟਿਕਟ ਇਸ ਸਾਲ ਦੇ ਅੰਤ ਵਿੱਚ ਜਾਰੀ ਕੀਤੀ ਜਾਵੇਗੀ। ਇਸ ਦਿਵਾਲੀ ਸਟੈਂਪ ਵਿੱਚ ਹਿਊਸਟਨ ਅਧਾਰਿਤ ਕਲਾਕਾਰ ਸੰਗੀਤਾ ਭੂਟਾਡਾ ਦੁਆਰਾ ਬਣਾਈ ਗਈ ਰੰਗੋਲੀ ਮੋਟਿਫ ਹੈ। ਜਿਸਦੀ ਫੋਟੋ ਬਿਨੇ ਦੀਕਸ਼ਿਤ ਦੁਆਰਾ ਲਈ ਗਈ ਹੈ। USPS ਨੇ ਕਿਹਾ ਕਿ, ਰੰਗੋਲੀ ਇੱਕ ਸੁੰਦਰ ਫਰਸ਼ ਕਲਾ ਹੈ ਜੋ ਰਵਾਇਤੀ ਤੌਰ ‘ਤੇ ਰੰਗੀਨ ਚੌਲਾਂ ਦੇ ਪਾਊਡਰ, ਚਾਕ ਅਤੇ ਫੁੱਲਾਂ ਦੀਆਂ ਪੱਤੀਆਂ ਆਦਿ ਵਰਗੀਆਂ ਸਮੱਗਰੀਆਂ ਨਾਲ ਬਣਾਈ ਜਾਂਦੀ ਹੈ ਅਤੇ ਇਸ ਨੂੰ ਸ਼ੁਭ ਮੰਨਿਆ ਜਾਂਦਾ ਹੈ ! USPS ਅਨੁਸਾਰ ਭੂਟਾਡਾ ਮੂਲ ਰੂਪ ਵਿੱਚ ਭਾਰਤ ਤੋਂ ਹਨ ਅਤੇ ਲੰਬੇ ਸਮੇਂ ਤੋਂ ਹਿਊਸਟਨ ਖੇਤਰ ਵਿੱਚ ਰਹਿੰਦੇ ਹਨ। ਉਹ ਲਗਭਗ 30 ਸਾਲਾਂ ਤੋਂ ਰੰਗੋਲੀ ਦੀ ਪ੍ਰਾਚੀਨ ਲੋਕ ਕਲਾ ਨਾਲ ਜੁੜੇ ਹੋਏ ਹਨ !
ਇਹ ਡਾਕ ਟਿਕਟ ਜੈਨੀਫਰ ਅਰਨੋਲਡ ਦੁਆਰਾ ਡਿਜ਼ਾਇਨ ਕੀਤੀ ਗਈ ਸੀ, ਜਿਸਦੇ ਕਲਾ ਨਿਰਦੇਸ਼ਕ ਵਿਲੀਅਮ ਜੇ. ਗੀਕਰ ਸਨ ! USPS ਨੇ ਕਿਹਾ ਹੈ, ਕਿ ਇਹ ਦਿਵਾਲੀ ਥੀਮ ਵਾਲਾ ਡਾਕ ਟਿਕਟ ਅਕਤੂਬਰ ਵਿੱਚ ਜਾਰੀ ਕੀਤਾ ਜਾਵੇਗਾ। ਦਿਵਾਲੀ ਹਿੰਦੂ ਕੈਲੰਡਰ ਦੇ ਸਭ ਤੋਂ ਮਹਾਨ ਤਿਉਹਾਰਾਂ ਵਿੱਚੋਂ ਇੱਕ ਹੈ !ਇਹ ਹਰ ਸਾਲ ਪਤਝੜ ਵਿੱਚ ਮਨਾਇਆ ਜਾਂਦਾ ਹੈ ਅਤੇ ਬੁਰਾਈ ਉੱਤੇ ਚੰਗਿਆਈ ਦੀ ਜਿੱਤ ਦਾ ਪ੍ਰਤੀਕ ਹੈ। ਦਿਵਾਲੀ ਦਾ ਤਿਉਹਾਰ ਆਮ ਤੌਰ ‘ਤੇ 5 ਦਿਨਾਂ ਲਈ ਮਨਾਇਆ ਜਾਂਦਾ ਹੈ ! 2026 ਵਿੱਚ ਇਹ ਤਿਉਹਾਰ 8 ਨਵੰਬਰ ਨੂੰ ਮਨਾਇਆ ਜਾਵੇਗਾ ! USPS ਨੇ ਅਮਰੀਕੀ ਤੱਟ ਰੱਖਿਅਕ ਕ੍ਰਿਸਮਸ ਕੂਕੀਜ਼, ਯਹੂਦੀ ਤਿਉਹਾਰ ਹਨੂਕਾਹ ਅਤੇ ਅਫਰੀਕੀ ਅਮਰੀਕੀ ਸੱਭਿਆਚਾਰ ਜਸ਼ਨ ਰਿਵਾਜ਼ਾਂ ਨੂੰ ਦਰਸਾਉਂਦਿਆਂ ਡਾਕ ਟਿਕਟਾਂ ਜਾਰੀ ਕਰਨ ਦਾ ਵੀ ਐਲਾਨ ਕੀਤਾ ਹੈ।