ਅਮਰੀਕਾ ਵਿੱਚ ਰਹਿ ਰਹੇ ਭਾਰਤੀ ਪਰਵਾਸੀਆਂ ਅਤੇ ਵਰਕਰਾਂ ਲਈ ਇਹ ਇੱਕ ਵੱਡਾ ਝਟਕਾ ਹੈ, ਕਿਉਂਕਿ ਯੂ.ਐਸ. ਡਿਪਾਰਟਮੈਂਟ ਐਂਡ ਹੋਮਲੈਂਡ ਸਿਕਿਉਰਟੀ DHS ਨੇ ਬੁੱਧਵਾਰ ਨੂੰ ਇੱਕ ਅੰਤਰਿਮ ਨਿਯਮ ਰਾਹੀਂ ਐਲਾਨ ਕੀਤਾ ਹੈ ਕਿ ਉਹ ਹੁਣ ਤੋਂ ਵਿਦੇਸ਼ੀਆਂ ਲਈ ਵਰਕ ਪਰਮਿਟਸ ਦੀ ਆਟੋਮੈਟਿਕ ਮਿਆਦ ਨੂੰ ਹੋਰ ਨਹੀਂ ਵਧਾਏਗਾ ! ਇਸ ਫੈਸਲੇ ਦਾ ਅਸਰ ਵੱਡੀ ਗਿਣਤੀ ਵਿੱਚ ਭਾਰਤੀ ਪ੍ਰਵਾਸੀਆਂ ਅਤੇ ਵਰਕਰਾਂ ਤੇ ਪਵੇਗਾ !
ਇਸ ਨਵੇਂ ਨਿਯਮ ਨਾਲ ਹਜ਼ਾਰਾਂ ਭਾਰਤੀ ਐਚ 1-ਬੀ ਵੀਜ਼ਾ ਧਾਰਕਾਂ h4, ਨਿਰਭਰ ਜੀਵਨ ਸਾਥੀਆਂ ਐਸ.ਟੀ.ਈ.ਐਮ. ਓ.ਪੀ.ਟੀ. ਐਕਸਟੈਂਸ਼ਨਾਂ ‘ਤੇ ਵਿਦਿਆਰਥੀਆਂ ਅਤੇ ਗ੍ਰੀਨ ਕਾਰਡ ਬਿਨੈਕਾਰਾਂ ਨੂੰ ਪ੍ਰਭਾਵਿਤ ਕਰਨ ਦੀ ਉਮੀਦ ਹੈ, ਜਿਨਾਂ ਦੀਆਂ ਰੀਨਿਉਅਲ ਅਰਜ਼ੀਆਂ ਪੈਂਡਿੰਗ ਹਨ ! ਉਹ ਵਿਦੇਸ਼ੀ ਜਿਹੜੇ 30 ਅਕਤੂਬਰ 2025 ਜਾਂ ਉਸ ਤੋਂ ਬਾਅਦ ਆਪਣੇ ਰੁਜ਼ਗਾਰ ਅਧਿਕਾਰ ਦਸਤਾਵੇਜ਼ ਨੂੰ ਰੀਨਿਉ ਕਰਨ ਲਈ ਫਾਈਲ ਕਰਨਗੇ, ਉਹਨਾਂ ਨੂੰ ਆਟੋਮੈਟਿਕ ਐਕਸਟੈਂਸ਼ਨ ਦੀ ਸਹੂਲਤ ਹੁਣ ਨਹੀਂ ਮਿਲੇਗੀ ! ਡੀ.ਐਚ.ਐਸ. ਨੇ ਸਪਸ਼ਟ ਕੀਤਾ ਹੈ ਕਿ ਇਹ ਛੋਟ ਸਿਰਫ ਕੁਝ ਖਾਸ ਮਾਨਵਤਾਵਾਦੀ ਮਾਮਲਿਆਂ ‘ਤੇ ਹੀ ਲਾਗੂ ਹੋਵੇਗੀ।
ਇਮੀਗ੍ਰੇਸ਼ਨ ਮਾਹਿਰਾ ਅਨੁਸਾਰ ਇਹ ਕਦਮ ਭਾਰਤੀ ਪੇਸ਼ੇਵਰਾਂ ਲਈ ਇੱਕ ਵੱਡਾ ਝਟਕਾ ਹੈ ! ਆਟੋਮੈਟਿਕ ਐਕਸਟੈਂਸ਼ਨ ਇੱਕ ਲੰਬੇ ਸਮੇਂ ਤੋਂ ਚੱਲ ਰਹੀ ਵਿਵਸਥਾ ਸੀ ਜੋ ਕਿ ਵਿਅਕਤੀਆਂ ਨੂੰ ਰੀਨਿਉਅਲ ਲਈ ਅਰਜੀ ਦੇਣ ਤੋਂ ਬਾਅਦ 180 ਦਿਨਾਂ ਤੱਕ ਕੰਮ ਕਰਨਾ ਜਾਰੀ ਰੱਖਣ ਦੀ ਇਜਾਜ਼ਤ ਦਿੰਦੀ ਸੀ। ਇਸ ਵਿਵਸਥਾ ਦੇ ਖਤਮ ਹੋਣ ਨਾਲ ਹਜ਼ਾਰਾਂ ਲੋਕਾਂ ਨੂੰ ਮਜਬੂਰਨ ਤਨਖਾਹ ਤੋਂ ਬਿਨਾਂ ਛੁੱਟੀ ਲੈਣੀ ਪੈ ਸਕਦੀ ਹੈ ਜਾਂ ਉਹ ਆਪਣੀਆਂ ਨੌਕਰੀਆਂ ਗਵਾ ਸਕਦੇ ਹਨ !
ਇਸ ਫੈਸਲੇ ਦਾ ਸਭ ਤੋਂ ਵੱਧ ਪ੍ਰਭਾਵ ਉਨਾਂ ਐਚ-4 ਵੀਜ਼ਾ ਧਾਰਕਾਂ ਐਚ-1b ਵੀ ਵਰਕਰਾਂ ਦੇ ਜੀਵਨ ਸਾਥੀਆਂ ‘ਤੇ ਪਵੇਗਾ ਜੋ ਰੁਜ਼ਗਾਰ ਲਈ EADs ‘ਤੇ ਨਿਰਭਰ ਕਰਦੇ ਹਨ। ਬਹੁਤ ਸਾਰੇ ਭਾਰਤੀ ਪਰਿਵਾਰ ਦੋਹਰੀ ਆਮਦਨ ‘ਤੇ ਨਿਰਭਰ ਕਰਦੇ ਹਨ, ਅਤੇ ਇਸ ਰੁਕਾਵਟ ਕਾਰਨ ਉਹਨਾਂ ‘ਤੇ ਗੰਭੀਰ ਵਿੱਤੀ ਤਣਾਅ ਪੈਦਾ ਹੋ ਸਕਦਾ ਹੈ ! ਇਹ ਖਾਸ ਤੌਰ ਤੇ ਤਕਨਾਲੋਜੀ, ਸਿਹਤ ਸੰਭਾਲ, ਅਤੇ ਵਿੱਤ ਵਰਗੇ ਉਦਯੋਗਾਂ ਨੂੰ ਪ੍ਰਭਾਵਿਤ ਕਰੇਗਾ, ਜਿੱਥੇ ਵੱਡੀ ਗਿਣਤੀ ਵਿੱਚ ਭਾਰਤੀ ਕਰਮਚਾਰੀ ਹਨ !
ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਨਵੇਂ ਨਿਯਮ ਦਾ ਉਦੇਸ਼ ਅਮਰੀਕਾ ਵਿੱਚ ਰੁਜ਼ਗਾਰ ਦੀ ਇਜਾਜ਼ਤ ਮੰਗਣ ਵਾਲੇ ਵਿਦੇਸ਼ੀ ਨਾਗਰਿਕਾਂ ਦੀ ਵਧੇਰੇ ਅਕਸਰ ਜਾਂਚ ਦੀ ਆਗਿਆ ਦੇਣਾ ਹੈ ! ਯੂ.ਐਸ. ਸਿਟੀਜਨਸ਼ਿਪ ਅਤੇ ਇਮੀਗ੍ਰੇਸ਼ਨ ਸਰਵਿਸਿਜ਼ ਦੇ ਡਾਇਰੈਕਟਰ ਜੋਸੇਫ ਐਡਲੋਅ ਨੇ ਕਿਹਾ ਹੈ ਕਿ ਇਹ ਤਬਦੀਲੀ ਧੋਖਾਧੜੀ ਦਾ ਪਤਾ ਲਗਾਉਣ ਅਤੇ ਸੰਭਾਵਿਤ ਤੌਰ ਤੇ ਨੁਕਸਾਨਦੇਹ ਇਰਾਦਿਆਂ ਵਾਲੇ ਵਿਦੇਸ਼ਾਂ ਦੀ ਪਛਾਣ ਕਰਨ ਵਿੱਚ ਮਦਦ ਕਰੇਗੀ ! ਯੂ.ਐਸ. ਸੀ.ਆਈ.ਐਸ. ਨੇ ਵਿਦੇਸ਼ੀ ਵਰਕਰਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਆਪਣੀਆਂ ਰੀਨਿਉਅਲ ਅਰਜ਼ੀਆਂ ਮਿਆਦ ਪੁੱਗਣ ਤੋਂ 180 ਦਿਨ ਪਹਿਲਾਂ ਤੱਕ ਦਖਲ ਕਰ ਦੇਣ !
#saddatvusa#newrules#H1BVisa#news#usa#NewsUpdate#americangovernment