ਵਾਸ਼ਿੰਗਟਨ : ਅਮਰੀਕਾ ਦੀ ਪਹਿਲੀ ਮਹਿਲਾ ਮੇਲਾਨੀਆ ਟਰੰਪ ਦੇ ਇੱਕ ਡਿਜੀਟਲ ਅਵਤਾਰ ਨੇ ਸੋਸ਼ਲ ਮੀਡੀਆ ‘ਤੇ ਪੂਰੀ ਹਲਚਲ ਮਚਾ ਦਿੱਤੀ ਹੈ। ਮੇਲਾਨੀਆ ਨੇ ਹਾਲ ਹੀ ਵਿੱਚ ਆਪਣੀ ਇੱਕ ਏ-ਆਈ ਜਨਰੇਟਰ ਵੀਡੀਓ ਸਾਂਝੀ ਕੀਤੀ ਹੈ। ਜਿਸ ਨਾਲ ਸੋਸ਼ਲ ਮੀਡੀਆ ‘ਤੇ ਇੱਕ ਨਵੀਂ ਬਹਿਸ ਛਿੜ ਗਈ ਹੈ!ਇਹ ਕਲਿਪ ਸਭ ਤੋਂ ਪਹਿਲਾਂ ਅਧਿਕਾਰਤ x ਅਕਾਊਂਟ @trueMELANIAmeme ‘ਤੇ ਪੋਸਟ ਕੀਤੀ ਗਈ ਸੀ !ਬਾਅਦ ਵਿੱਚ ਇਸ ਨੂੰ ਮੇਲਾਨੀਆ ਨੇ ਖੁਦ ਆਪਣੇ X ਹੈਂਡਲ ਤੋਂ ਦੁਬਾਰਾ ਪੋਸਟ ਕੀਤਾ ! ਮੰਨਿਆ ਜਾਂਦਾ ਹੈ ਕਿ ਇਹ ਟਰੰਪ ਪਰਿਵਾਰ ਦੀ ਡਿਜੀਟਲ ਰਣਨੀਤੀ ਵਿੱਚ ਇੱਕ ਨਵੇਂ ਪੜਾਅ ਦੀ ਸ਼ੁਰੂਆਤ ਹੈ।
ਇਹ ਵਿਕਾਸ ਅਜਿਹੇ ਸਮੇਂ ਵਿੱਚ ਹੋਇਆ ਹੈ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੀ ਕਈ ਏ-ਆਈ ਸਮਰਥਿਤ ਪੋਸਟਾਂ ਅਤੇ ਵੀਡੀਓ ਪੋਸਟ ਕਰ ਰਹੇ ਹਨ ,ਜੋ ਇਹ ਉਜਾਗਰ ਕਰਦੇ ਹਨ ਕਿ ਕਿਵੇਂ ਤਕਨਾਲੋਜੀ ਅਤੇ ਰਾਜਨੀਤੀ ਅੱਜ ਦੇ ਸੰਚਾਰ ਸ਼ੈਲੀਆਂ ਵਿੱਚ ਤੇਜ਼ੀ ਨਾਲ ਜੁੜਦੇ ਜਾ ਰਹੇ ਹਨ। ਮੇਲਾਨੀਆ ਨੇ ਆਪਣੇ ਛੋਟੇ ਵੀਡੀਓ ਦਾ ਸਿਰਲੇਖ “In to the future” ਰੱਖਿਆ ਹੈ। ਇਸ ਵਿੱਚ ਮੇਲਾਨੀਆ ਟਰੰਪ ਦਾ ਇੱਕ ਡਿਜੀਟਲ ਅਵਤਾਰ ਪਿਕਸਲ ਤੋਂ ਦਿਖਾਈ ਦਿੰਦਾ ਹੈ ! ਉਹ ਝਪਕਦੀ ਹੈ ਅਤੇ ਫਿਰ ਟਰੰਪ ਟਾਵਰ ਤੇ ਆਲੀਸ਼ਾਨ ਅੰਦਰੂਨੀ ਹਿੱਸੇ ਵਿੱਚ ਦਿਖਾਈ ਦਿੰਦੀ ਹੈ। ਵੀਡੀਓ ਵਿੱਚ ਉਸਨੇ ਗੂੜੇ ਰੰਗ ਦੇ ਰਸਮੀ ਪਹਿਰਾਵੇ ਪਹਿਨੇ ਹੋਏ ਹਨ ਜਿਸ ਵਿੱਚ ਉਸਦਾ ਵਿਲੱਖਣ ਹਾਈਲਾਈਟ ਕੀਤਾ ਗਿਆ ਵਾਲਾਂ ਦਾ ਸਟਾਈਲ ਸੁਹਜ ਨੂੰ ਹੋਰ ਵਧਾ ਰਿਹਾ ਹੈ !
ਪੋਸਟ ਕੀਤੇ ਜਾਣ ਤੋਂ ਕੁਝ ਘੰਟਿਆਂ ਦੇ ਅੰਦਰ ਵੀਡੀਓ ਨੂੰ ਲਗਭਗ 1.3 ਮਿਲੀਅਨ ਵਿਊਜ ਮਿਲੇ ਸਨ !
ਨਿਰੀਖਕਾਂ ਨੇ ਜਲਦੀ ਹੀ ਨੋਟ ਕੀਤਾ ਕਿ ਮੀਮ ਮੇਲਾਨੀਆ ਟਰੰਪ ਦੀ ਕ੍ਰਿਪਟੋਕਰੰਸੀ $MELANIA ਨਾਲ ਜੁੜਿਆ ਹੋਇਆ ਸੀ। ਜਿਸਦਾ ਉਦੇਸ਼ ਤਕਨਾਲੋਜੀ ਫੈਸ਼ਨ ਅਤੇ ਰਾਜਨੀਤੀ ਨੂੰ ਜੋੜ ਕੇ ਉਸਦਾ ਬ੍ਰਾਂਡ ਬਣਾਉਣਾ ਹੈ। ਯੂਜ਼ਰਸ ਨੇ ਇਸ ‘ਤੇ ਮਿਲੀ ਜੁਲੀ ਪ੍ਰਤਿਕਿਰਿਆ ਦਿੱਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ ਹੈ ਇਹ ਭਵਿੱਖ ਮੁਖੀ ਲੱਗਦਾ ਹੈ ਪਰ ਥੋੜਾ ਅਜੀਬ ਵੀ ਹੈ-ਜਿਵੇਂ ਰਾਜਨੀਤੀ ਵਿੱਚ ਇੱਕ ਵੀਡੀਓ ਗੇਮ ਬਣਦੀ ਜਾ ਰਹੀ ਹੈ !ਇੱਕ ਹੋਰ ਨੇ ਕਿਹਾ ਸੱਚ ਕਹਾਂ ਤਾਂ ਇਹ ਵਧੀਆ ਲੱਗ ਰਿਹਾ ਹੈ ਅਤੇ ਮੇਲਾਨੀਆ ਦੀ ਹਮੇਸ਼ਾ ਹੀ ਇੱਕ ਦਿਆਲੂ ਤਸਵੀਰ ਰਹੀ ਹੈ !
#saddatvusa#FirstLadyMelaniaTrump#AI#videoviralシ#socialmedia #news#usa#viralvideoシ