ਵਾਸ਼ਿੰਗਟਨ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੁਨੀਆਂ ਭਰ ਵਿੱਚ ਵਪਾਰ ਅਤੇ ਟੈਰੀਫ ਜੰਗ ਛੇੜਨ ਦੇ ਨਾਲ ਨਾਲ ਆਪਣੇ ਕਈ ਲਏ ਗਏ ਅਜੀਬੋਗਰੀਬ ਫੈਸਲਿਆਂ ਦੇ ਕਾਰਨ ਆਪਣੇ ਹੀ ਦੇਸ਼ ਵਿੱਚ ਘਿਰ ਗਏ ਹਨ। ਪਿਛਲੇ ਦੋ ਦਿਨਾਂ ਤੋਂ ਅਮਰੀਕਾ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਟਰੰਪ ਵਿਰੁੱਧ ਜ਼ੋਰਦਾਰ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ। ਅਮਰੀਕੀ ਜਨਤਾ ਟਰੰਪ ਦੀਆਂ ਕਈ ਨੀਤੀਆਂ ਦੇ ਵਿਰੋਧ ਵਿੱਚ ਸੜਕਾਂ ਤੇ ਉਤਰ ਆਏ ਹਨ। ਪੂਰੇ ਦੇਸ਼ ਵਿੱਚ ਪ੍ਰਦਰਸ਼ਨਕਾਰੀਆਂ ਨੇ ਟਰੰਪ ਪ੍ਰਸ਼ਾਸਨ ਅਤੇ ਉਸਦੀਆਂ ਨੀਤੀਆਂ ਵਿਰੁੱਧ ਪੋਸਟਰ ਬੈਨਰ ਅਤੇ ਨਾਅਰਿਆਂ ਨਾਲ ਆਪਣੀ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ।
‘ਗੁੱਡ ਟਰਬਲ ਲਾਈਵਜ਼ ਆਨ’ ਨਾਮਕ ਵਿਰੋਧੀ ਅੰਦੋਲਨ ਨੇ ਦੇਸ਼ ਦੇ ਸਾਰੇ 50 ਸੂਬਿਆਂ ਵਿੱਚ ਆਪਣੀ ਮੌਜੂਦਗੀ ਦਰਜ ਕਰਵਾਈ ਹੈ। ਨਿਊਯਾਰਕ ਵਿੱਚ ਪ੍ਰਦਰਸ਼ਨਕਾਰੀਆਂ ਨੂੰ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਇਨਫੋਰਸਮੈਂਟ ਇਮਾਰਤ ਦੇ ਨੇੜੇ ਇੱਕ ਚੌਰਾਹੇ ਨੂੰ ਰੋਕਦੇ ਹੋਏ ਦੇਖਿਆ ਗਿਆ ! ਇੱਕ ਵਿਰੋਧ ਪ੍ਰਦਰਸ਼ਨ ਦੌਰਾਨ ਜਦੋਂ ਪ੍ਰਦਰਸ਼ਨਕਾਰੀ ਇੱਕ ਇਮੀਗ੍ਰੇਸ਼ਨ ਅਦਾਲਤ ਦੇ ਬਾਹਰ ਇਕੱਠੇ ਹੋਏ ਉਨਾਂ ਨੇ ‘ਗੁੱਡ ਟਰਬਲ ਲਾਈਵਜ਼ ਆਨ’ ਰਾਸ਼ਟਰੀ ਵਿਰੋਧ ਦਿਵਸ ਤੇ ਤਹਿਤ ਟਰੰਪ ਪ੍ਰਸ਼ਾਸਨ ਵਿਰੁੱਧ ਤਖਤੀਆਂ ਫੜੀਆਂ ਹੋਈਆਂ ਸਨ। ਟਰੰਪ ਵਿਰੁੱਧ ਇਹ ਪ੍ਰਦਰਸ਼ਨ ਅਟਲਾਂਟਾ (ਜਾਰਜੀਆ) ਸੈਂਟ ਲੁਈਸ (ਮਿਸੋਰੀ) ਓਕਲੈਂਡ (ਕੈਲੀਫੋਰਨੀਆ) ਅਤੇ ਐਨਾਪੋਲਿਸ (ਮੈਰੀਲੈਂਡ) ਸਮੇਤ ਲਗਭਗ 1600 ਥਾਵਾਂ ਤੇ ਹੋਇਆ ! ਇਸ ਵਿੱਚ ਟਰੰਪ ਪ੍ਰਸ਼ਾਸਨ ਦੀ ਸਿਹਤ ਸੰਭਾਲ ਵਿੱਚ ਕਟੌਤੀ,ਇਮੀਗ੍ਰੇਸ਼ਨ ਨੀਤੀਆਂ ਅਤੇ ਹੋਰ ਫੈਸਲਿਆਂ ਦੀ ਵਿਰੋਧਤਾ ਕੀਤੀ ਗਈ। ਇਸ ਦਾ ਮਕਸਦ ਸਵਰਗੀ ਕਾਂਗਰਸ ਮੈਂਬਰ ਅਤੇ ਨਾਗਰਿਕ ਅਧਿਕਾਰਾਂ ਦੇ ਨੇਤਾ ਜੋਨ ਲੁਈਸ ਨੂੰ ਸ਼ਰਧਾਂਜਲੀ ਦੇਣਾ ਵੀ ਸੀ।
ਗੁੱਡ ਟਰਬਲ ਅੰਦੋਲਨ ਦਾ ਨਾਮ ਜੋਨ ਲੁਈਸ ਦੀ ਉਸ ਮਸ਼ਹੂਰ ਅਪੀਲ ਤੋਂ ਲਿਆ ਗਿਆ ਹੈ ਜੋ ਉਨਾਂ ਨੇ 2020 ਵਿੱਚ ਆਪਣੀ ਮੌਤ ਤੋਂ ਪਹਿਲਾਂ ਅਮਰੀਕੀ ਨਾਗਰਿਕਾਂ ਨੂੰ ਦਿੱਤੀ ਸੀ ! ਉਹਨਾਂ ਨੇ ਕਿਹਾ ਸੀ ਕਿ ਚੰਗੀ ਮੁਸੀਬਤ ਵਿੱਚ ਪਓ,ਜਰੂਰੀ ਮੁਸੀਬਤ ਵਿੱਚ ਪਓ ਅਤੇ ਅਮਰੀਕਾ ਦੀ ਆਤਮਾ ਦਾ ਉਧਾਰ ਕਰੋ !ਜਾਣਕਾਰੀ ਲਈ ਜੋਨ ਲੁਈਸ ‘ਬਿੱਗ ਸਿਕਸ’ ਨਾਗਰਿਕ ਅਧਿਕਾਰ ਕਾਰਕੁਨਾਂ ਦੇ ਸਮੂਹ ਦੇ ਆਖਰੀ ਜਿਉਂਦੇ ਮੈਂਬਰ ਸਨ ! ਜਿਨਾਂ ਦੀ ਅਗਵਾਈ ਡਾਕਟਰ ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਨੇ ਕੀਤੀ ਸੀ। ਲੁਈਸ ਨੇ ਹਮੇਸ਼ਾ ਅਹਿੰਸਕ ਅੰਦੋਲਨ ਅਤੇ ਨਿਆਂ ਦੀ ਲੜਾਈ ਦਾ ਸਮਰਥਨ ਕੀਤਾ ਅਤੇ ਇਹ ਅੰਦੋਲਨ ਉਸਦੇ ਵਿਚਾਰਾਂ ਦੀ ਵਿਰਾਸਤ ਨੂੰ ਅੱਗੇ ਵਧਾਉਂਦਾ ਹੈ। ਪਬਲਿਕ ਸਿਟੀਜ਼ਨ ਸੰਗਠਨ ਦੀ ਸਹਿ-ਅਧਿਆਕਸ਼ ਲੀਸਾ ਗਿਲਬਰਟ ਨੇ ਪ੍ਰਦਰਸ਼ਨ ਤੋਂ ਪਹਿਲਾਂ ਕਿਹਾ ਅਸੀਂ ਆਪਣੇ ਦੇਸ਼ ਦੇ ਇਤਿਹਾਸ ਦੇ ਸਭ ਤੋਂ ਭਿਆਨਕ ਪਲਾਂ ਵਿੱਚੋਂ ਵਿੱਚੋਂ ਗੁਜ਼ਰ ਰਹੇ ਹਾਂ ! ਪ੍ਰਸ਼ਾਸਨ ਵਿੱਚ ਵਧਦੀ ਤਾਨਾਸ਼ਾਹੀ ਅਤੇ ਅਰਾਜਕਤਾ ਨਾਲ ਅਸੀਂ ਸਾਰੇ ਜੂਝ ਰਹੇ ਹਾਂ ਜਦੋਂ ਸਾਡੇ ਲੋਕਤੰਤਰ ਦੇ ਅਧਿਕਾਰਾਂ ਸੁਤੰਤਰਤਾਵਾਂ ਅਤੇ ਅਪੇਕਸ਼ਾਵਾਂ ਨੂੰ ਚੁਣੌਤੀ ਦਿੱਤੀ ਜਾ ਰਹੀ ਹੈ। ਇਸ ਰਾਸ਼ਟਰੀ ਅੰਦੋਲਨ ਦਾ ਮਕਸਦ ਟਰੰਪ ਪ੍ਰਸ਼ਾਸਨ ਦੀਆਂ ਉਹਨਾਂ ਨੀਤੀਆਂ ਅਤੇ ਕਾਰਵਾਈਆਂ ਦਾ ਵਿਰੋਧ ਕਰਨਾ ਹੈ ਜਿਨਾਂ ਨੂੰ ਕਈ ਨਾਗਰਿਕ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਅਤੇ ਲੋਕਤਾਂਤਰਿਕ ਮੁੱਲਾਂ ਲਈ ਖਤਰਾ ਮੰਨਦੇ ਹਨ !
#saddatvusa#AmericanPeoples#protest#Against#DonaldTrump#NewsUpdate#americannews#usanews